انواع البنات في اماسنجر^_^

انواع البنات في الماسنجر

وخلونا نشوفها مع بعض بتفصيل الممل

العاقله
لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرآ

واذا حد ارسل لها فايل او رابط اغنية حطت له علامة استفهام وتسكت نص ساعه ماتكلمه

ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.

وضحكتها عبارة عن ابتسامه واذا كانت مبسوطه مررره تحط ثلاث ابتسامات.

المصلحجيه

ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من زمان ماشفتك؟ شدعوه ماتسال علي؟

ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. لووووول حلوه الترقيعه

وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز لووووول
وقتها تقرا مواضيع في المنتديات في قسم الرأي الاخر.. وتعشق برنامج الاتجاه المعاكس

الرسميهترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..

ولما تعطيها اهداء تقولك شمعنا انا بالذات؟ لووول ياحياة الشقا..
البريئه

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟

تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا هع

شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك هع.

الشينهاسمها الحقيقي نوره او ساره او حصه او عنبره او رقيه.. ويعايرونها في البيت ام ضرس او الحولا او البطه او ام جبهة..

وتجي الماسنجر تتميلح وتقول اسمي الجوهره أو مشاعل او فاتن او شهد او ريم.. ودايم تنتقد و مايعجبها العجب.. واذا شافتك مشغول انواع الهواش

والشتايم

واذا عطيتها وجه انواع الصفط والركب

تحتار كيف ترضيها.. تعطيها اغنية تقولك ماحب الاغاني.. تعطيها كرت تقولك انا مو دادا قدامك.. تشبه سنفور غضبان كل شي يضايقها وكل شي يزعلها..
]تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم توصف نفسها بالجمال والرشاقه..

تختار اسماء مثل الدلوعة.. الفاتنة.. الماسة.. أميرة.. الى اخره
البطه
طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر
ودايخه و تسولف من غير نفس

ولما ينادونها للعشا تقفل الماسنجر بسرعة البرق.. لوووول وعادة يكون نكها فراولة الرياض او شوكولاته أنيقة او رمانه مخصرة..

ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.

دمها خفيف ومرهفة المشاعر وأقل موقف ممكن يبكيها.

الهبله

هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا ثلاث سطور..

واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في

وقت واحد
وتقرا العناوين الرئيسية في الجريدة وتجي تسال عنها.. يقالها متابعة الاحداث العالمية خخخخخخ.

وكل شوي تغير الصورة الجانبيه.. والنك.. ولون الخط لوووول.

كذا نكون وضحنا لكم انواع البنات في الماسنجر

هههههههههههههههههههههههههههههههههههه....

والله فلهـ البنـــــآآآت

انا ـوووقع من فئه العـآقله< ساره عاقلهـ متسحييييييييل !!

الله يعطيكـ العافيه ميمووو

مايحرمنآ منكـ

دووومتي بخ ـير ..!

تسلمين سوسو عالمرور الله لايحرمنا من ردودك

:lol!: :lol!: :lol!:

والله أنك صادقة بحركاتنا

يسلمووووو

هع هع هع

يسلموووو على الموضووووع

هههههههههههههههههههه
اريجووووه كذا يعني حركاتكم ههههههههه
يسلموووو ع ـالموووضوع

مشكوريين

العفووو... هذا واجبنا
انتي المشكوووره علىآ انك علمتينا حركات البنات :)